محمد البلاط | تجار ضمير باعوا الوطن

تجار ضمير باعوا الوطن .............................. تجار ضمير باعوا الوطن ايه منتظر ضحكوا عليك وفهموك انك بطل فيه كل يوم الف قاتيل ولسه داير الحجر وان ما طلكش وموتك فى السجن يمكن تنعصر الثور الابيض انتهى وبيك يا صاحبى اتمكر اوعى تلين للى يهين وفى ذوقه ياخدك يعتذر البادى اظلم ولجميله الرد لازم ينتظر تجار ضمير باعوا الوطن بقلوب من صخر وحجر ولسه فاكرين الاصيل طبعه كما طبع الشجر يروه بمايه مملحه وياخدوا اجمل الثمر خلص الربيع وخريفنا هل وحضر والباقى شوك وان كان فيه شوق تدفى بيه وتمد يدك يوم عليه ناوى تكسره ابشر بناره هتحرقك وهتخسره تجار ضمير باعوا الوطن بكره عليه تتحسروا بقلم |